ନିମାପଡା,7/9 (ଓରା) ରିପୋର୍ଟ-ସନ୍ତୋଷ କୁମାର ଦାଶ : ଶ୍ରୀ ଗଣେଶ ଚତୁର୍ଥୀ ଓ ନୂଆଖାଇ ପରେ ଆରମ୍ଭ ହୋଇଥାଏ ପାର୍ବଣ ଋତୁ । ଏବେ ରାଜ୍ୟ ର ବିଭିନ୍ନ ମୁଖ୍ୟ ରାସ୍ତା ପାଶ୍ଵ ରେ, ବିଭିନ୍ନ ପଡ଼ିଆ ପ୍ରାନ୍ତରେ ପ୍ରଚୁର ପରିମାଣରେ  କାଶତଣ୍ଡୀ ଫୁଟିଛି। କାଶତଣ୍ଡୀ କୁ ଦେଖିଲେ ଶରତ ଋତୁର ଆଗମନ ଓ ତା ସହିତ ଦେବୀ ଦୂର୍ଗା ଙ୍କ ପାର୍ବଣ ପୂଜା ପାଖେଇ ଆସୁଥିବା ବେଳେ ଜଣା ପଡ଼େ। ଏବେ କାଶତଣ୍ଡୀ ହସି କହିଲାଣି ପାର୍ବଣ ଋତୁ ଆସୁଛି । ଜଳବାୟୁ ପରିବର୍ତ୍ତନ ପାଇଁ ଏ ବର୍ଷ ଯଥେଷ୍ଟ ଆଗରୁ କାଶତଣ୍ଡୀ ଫୁଟିଛି । ଆସନ୍ତା ୧୪ ତାରିଖ ରେ ମା’ ଦୁର୍ଗା ଙ୍କ ର ସହସ୍ରା କୁମ୍ଭାଭିସେକ ନୀତି ଅନୁଷ୍ଠିତ ହୋଇ ଶାରଦୀୟ ପାର୍ବଣ ପୂଜାର ଅୟମାରମ୍ଭ ହେବ। ପୂର୍ବରୁ ବିଭିନ୍ନ ସ୍ଥାନ ରେ କାଶତଣ୍ଡୀର ଶୋଭା ସମ୍ଭାର ଦେଖିବାକୁ ମିଳିଛି । ସୁଲୁ ସୁଲିଆ ପବନ ରେ କାଶତଣ୍ଡୀ ହଲି ଦୋହଲି କବି, ପ୍ରକୃତିପ୍ରେମୀ,ଭାବୁକ ମାନଙ୍କ ମନ କୁ ପୁଲକିତ କରୁଛି। ପ୍ରକୃତି ରାଣୀ ସତେ ଯେପରି ଧଳା ରଙ୍ଗର ଚାମର ଧରି ପାର୍ବଣ ଋତୁ କୁ ସ୍ବାଗତ କରିବା ସହ ଜଗତଜନନୀ ମା’ ଦୁର୍ଗା ଙ୍କ ଆଗମନ କୁ ଅପେକ୍ଷା କରି ରହିଛି । କବିଙ୍କ ଭାଷା ରେ ନୀଳ ଆକାଶରେ ଖଣ୍ଡ ଖଣ୍ଡ ବାଦଲ ଭାସି ଯାଉଥିବା ବେଳେ ତଳେ ପୃଥିବୀ ପୃଷ୍ଠରେ ଧଳା ରଙ୍ଗର ଚିକ ଚିକ୍ କରୁଥିବା କାଶତଣ୍ଡୀ ସତେ ଯେପରି ମେଘ ମାଳା କୁ ହାତ ହଲାଇ ବିଦାୟ ଜଣାଉଛି । ଅପୂର୍ବ ଏ ଦୃଶ୍ୟ। ରାସ୍ତା ପାଶ୍ଵ ରେ ଫୁଟିଥିବା କାଶତଣ୍ଡୀ ପଥଚାରୀ ମାନଙ୍କୁ ଆନ ମନା କରୁଛି । ବିଭୋର ହୋଇ ଉଠୁଛି ଆଉ ପୁଲ୍ଲକିତ ହୋଇ ଉଠୁଛି ମଣିଷ ର ତନୁ ଆଉ ମନ। କିଛି କିଛି ଲୋକ ଘଡ଼ିଏ ଅଟକି ଯାଉଛନ୍ତି ଆଉ ମନଭରି ଉପଭୋଗ କରୁଛନ୍ତି ପ୍ରକୃତି ରାଣୀର ଏ ମନଲୋଭା ଦୃଶ୍ୟ କୁ।ଧଳା ରଙ୍ଗ କୁ ଶାନ୍ତିର ପ୍ରତୀକ ଭାବେ ବିବେଚନା କରାଯାଏ । ଏଣୁ କାଶତଣ୍ଡୀ ସାରା ସଂସାରରେ ବିଞ୍ଚି ଚାଲିଛି ସତ୍ୟ ଓ ଶାନ୍ତି ର ବାର୍ତ୍ତା କୁ ପ୍ରକୃତି ରାଣୀ । ସତେ ଯେପରି ଧଳା ଚାଦର ରେ ନିଜକୁ ଘୋଡ଼ାଇ ଦେଇଛି । ସତରେ ମନକୁ ବିମୋହିତ କରି ଦେଉଛି ରାସ୍ତା ପାଶ୍ବର କାଶ ତଣ୍ଡୀ ଆଉ ହସି କହୁଚି ପଥଚାରୀଙ୍କୁ ଅ।ନମନା କରୁଛି କାହିଁକି ନା ପ୍ରସ୍ତୁତ ହୁଅ ସମସ୍ତେ ପାର୍ବଣ ଋତୁ ଆସୁଛି ।