ନଦୀବନ୍ଧ ପାଲଟିଛି ବିପନ୍ନଙ୍କ ଆଶ୍ରୟସ୍ଥଳୀ 

ଧାମନଗର,(ସ.ପ୍ର): ଧାମନଗର ଅଞ୍ଚଳରେ ବନ୍ୟା ପରିସ୍ଥିତି ଦିନକୁ ଦିନ ଭୟାବହ ହେବାରେ ଲାଗିଛି। ବିଶେଷକରି ଧୂଷୁରୀ ଅଞ୍ଚଳରେ ବନ୍ୟାର ପ୍ରକୋପ ଅତ୍ୟନ୍ତ ଗମ୍ଭୀର ରୂପ ନେଇଛି। ଏହାର ପ୍ରଭାବରେ ଅର୍ଜୁନପୁର ଓ ହସନାବାଦ ପଞ୍ଚାୟତର ବହୁ ପରିବାର ଘରଛାଡ଼ି ବୈତରଣୀ ନ‌ଦୀବନ୍ଧ ଉପରେ ଶହ ଶହ ଲୋକ ଆଶ୍ରୟ ନେବାକୁ ବାଧ୍ୟ ହୋଇଛନ୍ତି। ଘରେ ବନ୍ୟାଜଳ ପଶିଯିବାରୁ ନଦୀବନ୍ଧ ଏବେ ଏକ ଏକମାତ୍ର ଭରସା ପାଲଟିଛି। ବନ୍ଧ ଉପରେ ପାଲ, ପଲିଥିନ ଓ ବାଉଁଶ ସାହାଯ୍ୟରେ ଅସ୍ଥାୟୀ ଆଶ୍ରୟସ୍ଥଳୀ ତିଆରି କରି ପରିବାର ସହ ଦିନ କାଟୁଛନ୍ତି ବନ୍ୟା ବିପନ୍ନ। କେବଳ ମଣିଷ ନୁହେଁ, ନିଜ ଗୋରୁଗାଈଙ୍କ ଜୀବନ ବଞ୍ଚାଇବା ପାଇଁ ଲୋକେ ସେମାନଙ୍କୁ ମଧ୍ୟ ବନ୍ଧ ଉପରକୁ ନେଇଆସିଛନ୍ତି। ଗୋଟିଏ ପଟେ ମଣିଷଙ୍କ ଅସ୍ଥାୟୀ ଆଶ୍ରୟ ଶିବିର ଅନ୍ୟପଟେ ସେହି ବନ୍ଧ ଉପରେ ଗୋରୁଗାଈଙ୍କ ରହଣି ବନ୍ୟାର ଭୟାବହତାର ଏହି ଦୃଶ୍ୟ ଲୋକଙ୍କ ଦୁର୍ଦ୍ଦଶାକୁ ସ୍ପଷ୍ଟ କରୁଛି। ଦୀର୍ଘଦିନ ଧରି ବନ୍ୟାଜଳ ଘେରି ରହିଥିବାରୁ ଜନଜୀବନ ସମ୍ପୂର୍ଣ୍ଣ ଅସ୍ତବ୍ୟସ୍ତ ହୋଇପଡ଼ିଛି। ଖାଦ୍ୟ ପାଇଁ ଆବଶ୍ୟକ ସାମଗ୍ରୀ ଭଳି ମୌଳିକ ଆବଶ୍ୟକତା ପାନୀୟ ଜଳ, ଖାଦ୍ୟ ସହିତ ଶିଶୁଙ୍କ ପାଇଁ ଖାଦ୍ୟ ଓ ଔଷଧ ବନ୍ୟା ବିପନ୍ନଙ୍କ ଚିନ୍ତା ବଢ଼ିଛି। ବନ୍ୟାଜଳ କେବେ ହ୍ରାସ ପାଇବ ଏବଂ କେବେ ପୁଣି ନିଜ ଘରକୁ ଫେରିବେ, ସେହି ଚିନ୍ତାରେ ଦିନ କାଟୁଛନ୍ତି ଦୁଇ ପଞ୍ଚାୟତର ବନ୍ୟା ବିପନ୍ନ।