ମାଲକାନଗିରି,୧୩।୧୨(ରାହୁଲ ନାୟକ): ମାଲକାନଗିରି ଜିଲ୍ଲା କାଲିମେଳା ବ୍ଳକ ଅନ୍ତର୍ଗତ ଏମ୍ ଭି ୮୮ ସରକାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ଖେଳ ପଡିଆ ଠାରେ ୨ ଦିନିଆ ଖେଳ ପ୍ରତିଯୋଗିତା ଗୋଷ୍ଟି ଶିକ୍ଷା ଅଧିକାରୀ ରମେଶ ଚନ୍ଦ୍ର ବାଡୋଇଙ୍କ ଦ୍ବାରା ଶୁଭ ଉଦ୍ଘାଟନ ହୋଇଥିଲା। ଏହି ମଞ୍ଚକୁ ଶିକ୍ଷାନୁଷ୍ଠାନର ପ୍ରଧାନ ଶିକ୍ଷକ ପ୍ରଶାନ୍ତ ସରଦାର ପରିଚାଳନା କରିଥିଲା ବେଳେ ଏଥିରେ ସମ୍ମାନିତ ଅତିଥି ରୂପେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଚିନ୍ତା ହରଣ ମଧୁ, ବ୍ଳକ ଶିକ୍ଷକ ସଂଘର ସଭାପତି ପ୍ରଦୀପ କୁମାର ତପାଲି, ଡକ୍ଟର ଆମ୍ବେଦକର ହାଇସ୍କୁଲ ପ୍ରଧାନ ଶିକ୍ଷକ ନାରାୟଣ ଚନ୍ଦ୍ର ପଣ୍ଡା, ସିଆରସିସି ଦୀପଙ୍କର ବିଶ୍ବାସ, ଗ୍ରାମ ଶିକ୍ଷା କମିଟି ସଦସ୍ୟ ବିଧିପଦ ବିଶ୍ବାସ, ନୃସିଂହ ପାଇକରାୟ,ବିଧିରଞ୍ଜନ ସରକାର, ସରପଞ୍ଚ ଦୁର୍ଗା ସୋଡି, ସଚିନ୍ କୃଷ୍ଣ ସାନା, ତପନ କୁମାର ବାଇନ୍, ଅଭିଷେକ ମଣ୍ଡଳ, ତାରାପଦ ମିସ୍ତ୍ରୀ ପ୍ରମୁଖ ଯୋଗ ଦେଇ ମାଲକାନଗିରି ଜିଲ୍ଲାର ଦକ୍ଷତା ସମ୍ପନ୍ନ ଛାତ୍ର ଛାତ୍ରୀ ମାନଙ୍କ ଖେଳକୁଦର ବିକାଶ ପାଇଁ ପ୍ରେରଣା ଦେଇଥିଲେ । ଏହାପରେ ପ୍ରଭୁ ଜଗନ୍ନାଥଙ୍କ ପ୍ରତିମୂର୍ତ୍ତିରେ ପ୍ରଦୀପ ପ୍ରଜ୍ଜ୍ୱଳନ କରି ସଭାପତି ମଞ୍ଚ ଓ ମସାଲ ଜାଳି ଖେଳକୁ ଉଦ୍ଘାଟନ କରିବା ସହିତ ଛାତ୍ର ଛାତ୍ରୀ ମାନଙ୍କ ଦ୍ବାରା ଆୟୋଜିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ । ଏହି ପ୍ରତିଯୋଗିତାରେ ବ୍ଳକର ବିଭିନ୍ନ ବିଦ୍ୟାଳୟର ଶହଶହ ସଂଖ୍ୟକ ଛାତ୍ର ଛାତ୍ରୀ, ଶିକ୍ଷକ ଓ ଅବିଭାବକ ମାନେ ଯୋଗ ଦେଇଥିଲେ ।