ଦେବୀ ଦ୍ବୀପାଞ୍ଚଳ ଅଞ୍ଚଳରେ ଶୋକ: ଗାଁମୁଖିଆ ବିଷ୍ଣୁ ଚରଣ ବିଶ୍ୱାଳଙ୍କ ଅକାଳ ବିୟୋଗ

ଅସ୍ତରଙ୍ଗ , ୧୦ ସେପ୍ଟେମ୍ବର:

ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ଅନ୍ତର୍ଗତ ଦେବୀ ଦ୍ବୀପାଞ୍ଚଳ ଗ୍ରାମର ଜଣେ ଗଣପ୍ରିୟ ଓ ସଦା ସକ୍ରିୟ ଗାଁମୁଖିଆ ବିଷ୍ଣୁ ଚରଣ ବିଶ୍ୱାଳଙ୍କ (୭୧) ମଙ୍ଗଳବାର ରାତି ୧୧:୫୫ ମି.ରେ ଅକାଳ ବିୟୋଗ ଘଟିଛି। ତାଙ୍କ ପରଲୋକର ସମ୍ବାଦ ପ୍ରସାରିତ ହେବା ପରେ ଦେବୀ-ଦ୍ବୀପାଞ୍ଚଳ, କୂଳସାହି ଓ ପାର୍ଶ୍ୱବର୍ତ୍ତୀ ତାଳଦା ଅଞ୍ଚଳରେ ଶୋକର ଘନ ଛାୟା ବ୍ୟାପିଯାଇଛି। ଶ୍ରୀ ବିଶ୍ୱାଳ କେବଳ ଗାଁର ଏକ ନିଷ୍ଠାବାନ ନେତୃତ୍ୱଶୀଳୀ ଅଂଶ ନ ଥିଲେ, ବରଂ ସେ ଜଣେ ଅନୁପମ ପରୋପକାରୀ, ଧର୍ମପରାୟଣ, ମିଷ୍ଠଭାଷୀ ଓ ଅମାୟିକ ବ୍ୟକ୍ତିତ୍ୱ ଥିଲେ। ସେ ଗ୍ରାମ ସୁଦ୍ଧାର, ଲୋକ ସଚେତନତା, ଏବଂ ଏକତାର ବାଣୀ ପ୍ରଚାରରେ ଦୃଢ଼ ଭୂମିକା ନେଇଥିଲେ। ସେ ବହୁ ବର୍ଷ ଧରି  ଗ୍ରାମ ପାଇଁ ନିର୍ଲୋଭ ଭାବେ କାମ କରି ଅ।ସୁଥିଲେ। ସେ ତାଙ୍କର ଜନ୍ମଗ୍ରାମ କୂଳସାହି  ଓ ପାଖପାଖି ଅଞ୍ଚଳରେ ଅନେକ ସାମାଜିକ କାର୍ଯ୍ୟକ୍ରମ ଓ ସମସ୍ୟା ସମାଧାନରେ ଆଗୁଆ ଭୂମିକା ନେଉଥିଲେ। ତାଙ୍କର ନିଷ୍ଠା ଓ ଦୟାମୟ ସ୍ୱଭାବ ପାଇଁ ସେ ଗ୍ରାମର ଲୋକମାନଙ୍କ ହୃଦୟରେ ବିଶେଷ ସ୍ଥାନ ଦଖଲ କରିଥିଲେ।ତାଙ୍କ ବିୟୋଗରେ ତାଳଦା ଅଞ୍ଚଳର ବରିଷ୍ଠ ସମାଜସେବୀ ପ୍ରତାପ ପରିଡା ଗଭୀର ଶୋକ ବ୍ୟକ୍ତ କରି କହିଛନ୍ତି –

"ବିଷ୍ଣୁ ବାବୁ ଅ।ମ ଗ୍ରାମ ଓ ସମାଜ ପାଇଁ ଏକ ଅନମୋଳ ଧନ ଥିଲେ। ତାଙ୍କ ବିୟୋଗ ତାଳଦା ବାସୀଙ୍କ ପାଇଁ ଏକ ଅପୂରଣୀୟ କ୍ଷତି। ତାଙ୍କ ଦୟା, ସେବା ଓ ନିଷ୍ଠା ସଦା ସ୍ମରଣୀୟ ରହିବ।" ତାଙ୍କ ଅକାଳ ବିୟୋଗରେ କୂଳସାହି, ତାଳଦା ସହିତ ସମଗ୍ର ଦେବୀ ଦ୍ବୀପାଞ୍ଚଳ ଅଞ୍ଚଳ ଶୋକରେ ଖେଳିଯାଇଛି। ଗ୍ରାମବାସୀ ଓ ତାଙ୍କ ପରିଚିତମାନେ ଶୋକସନ୍ତପ୍ତ ପରିବାର ପ୍ରତି ସମବେଦନା ଜଣାଇଛନ୍ତି । ତାଳଦା ବାସୀ ମହାପ୍ରଭୁ ଜଗନ୍ନାଥଙ୍କ ଚରଣ ତଳେ ତାଙ୍କର ଆତ୍ମାର ଶାନ୍ତି ଓ ପରିବାର ପାଇଁ ଧର୍ଯ୍ୟ ଓ ଶକ୍ତି ଦାନ ପାଇଁ ପ୍ରାର୍ଥନା କରିଛନ୍ତି।