୧୯୯୯ ମସିହା ଆଜିର ଦିନରେ ଖୋର୍ଦ୍ଧାଜିଲ୍ଲା ସୋରଣ ଗ୍ରାମ ଘୋଡାଦୌଡ ଠାରେ ଚିଲିକା ମତ୍ସ୍ୟଜିବୀ ସଂଗଠନ ତରଫରୁ ଚିଲିକା ଅଧିକାର ବିଲ,ଏକକ ଅଧିକାର ଓ ଚିଲିକାର ବିଭିନ୍ନ ସମସ୍ୟାକୁ ନେଇ ଆଲୋଚନା ଚାଲିଥିବା ସମୟରେ ମତ୍ସ୍ୟଜିବୀ ସଂଘ ଓ ପ୍ରଶାସନ ମୁହାଁ ମୁହିଁ ହୋଇଥିଲେ ଓ ପୋଲିସ ଗୁଳିରେ ଜଣେ ମହିଳା ସମେତ ୫ଜଣ ମତ୍ସ୍ୟଜୀବିଙ୍କ ମୃତ୍ୟୁ ହୋଇଥିଲା। ସେଇ ଦିନଠାରୁ ସଂଘ ଏହାକୁ ପ୍ରତ୍ୟକ ବର୍ଷର ଏଇ ଦିନକୁ ସହିଦ ଦିବସ ରୂପେ ପାଳନ କରୁଛି। -ଆଜି ଅପରାହ୍ନରେ ଖୋର୍ଦ୍ଧାଜିଲ୍ଲା ଅନ୍ତର୍ଗତ ଚିଲିକା ବ୍ଲକର ବାଲୁଗାଁ ନିକଟସ୍ଥ ଚନ୍ଦ୍ରାପୁଟ ଗ୍ରାମରେ ଖୋର୍ଦ୍ଧା,ଗଂଜାମ ଓ ପୁରୀ ଜିଲ୍ଲାର ୧୪୭ ମତ୍ସ୍ୟଜିବି ଗ୍ରାମର ପ୍ରତିନିଧିଙ୍କ ଉପସ୍ଥିତରେ ୨୪ତମ ସହିଦ ଦିବସ ପାଳନ ଅବସରରେ ଚିଲିକା ଗଭୀର ମୁହାଣ ପାରମ୍ପରିକ ଗଣପରିଷଦର ସଭାପତି, ଚିଲିକା ମତ୍ସ୍ୟଜୀବି ସଂଗଠନର ସଭାପତି ରବି ବେହେରା ଉପସ୍ଥିତ ରହି ଚିଲିକାର ସମସ୍ୟା ଓ ଏଥିରୁ ଜୀବନ ଜିବୀକା ନିର୍ବାହ କରୁଥିବା ଖୋର୍ଦ୍ଧା,ଗଂଜାମ ଓ ପୁରୀର ମତ୍ସ୍ୟଜୀବି ସବୁକିଛି ହରାଇ ବସିଛନ୍ତି। ସରକାରଙ୍କୁ ବହୁ ଆବେଦନ କରିଛନ୍ତି କିନ୍ତୁ ସମସ୍ତେ ଅଣଦେଖା କରିବା ସହ ମତ୍ସ୍ୟଜିବୀ ପରିବାରଙ୍କ ପେଟକୁ ନାତ ମାରିଛନ୍ତି। ତେଣୁ ଚିଲିକାର ପ୍ରାସଙ୍ଗିକ ଓ ଜଡିତ ଥିବା ବ୍ୟବସ୍ଥା ଯଥା ଚିଲିକାରୁ ସୈରାତ ଉଠାଇବା,ଚିଲିକାକୁ ସଂଯୋଗ କରୁଥିବା ଦୁଇ ମୂହାଣର ପ୍ରସ୍ତୁତି, ଗଭୀର ଚିଲିକାରେ ସରୁଜାଲ ପକାଇ ମତ୍ସ୍ୟ ସଂପଦକୁ ନଷ୍ଟ କରୁଥିବାରୁ ତାହା ସଂପୂଣ୍ଣ ବନ୍ଦ କରିବା ଓ ଘେରୀମୁକ୍ତ ଚିଲିକା କରିବାକୁ ସରକାରଙ୍କୁ ପୁନଶ୍ଚ ଅବଗତ କରାଇବା ସହ ନିବେଦନ କରିଛନ୍ତି ଗଣମାଧ୍ୟମ ଜରିଆରେ। ଆଗାମୀ ଦିନରେ ଯଦି ଏହାର ବିଚାର ସରକାର ନ କରନ୍ତି ତେବେ ମତ୍ସ୍ୟଜିବୀ ସଂଗଠନ ଖୋର୍ଦ୍ଧା, ଗଂଜାମ ଓ ପୁରୀ ରାଜରାସ୍ତାକୁ ଓହ୍ଲାଇବେ ଏ ସୂଚନା ଦେଇଛନ୍ତି ଉପସ୍ଥିତ ସଂଗଠନର କର୍ମକର୍ତା।