ପୁରୀ :ଖୁବଶୀଘ୍ର ଲୋକାର୍ପିତ ହେବାକୁ ଯାଉଛି ପୁରୀ ପେଣ୍ଠକଟା ଠାରେ ନବନିର୍ମିତ ଶ୍ରୀଜଗନ୍ନାଥ ଷ୍ଟାଡିୟମ। ନୂଆବର୍ଷରେ ଶ୍ରୀକ୍ଷେତ୍ର ବାସୀଙ୍କ ଉଦ୍ଦେଶ୍ୟରେ ଏହି ଭେଟି ଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏଥିପାଇଁ ଷ୍ଟାଡିୟମର ନିର୍ମାଣ କାର୍ଯ୍ୟ ଅନ୍ତିମ ପର୍ଯ୍ୟାୟରେ ପହଞ୍ଚି ସାରିଥିବା ବେଳେ ଏହାର ଉଦଘାଟନୀ କାର୍ଯ୍ୟକ୍ରମକୁ ନେଇ ପ୍ରଶାସନିକ ସ୍ତରରେ ପ୍ରସ୍ତୁତି ମଧ୍ୟ ଆରମ୍ଭ ହୋଇଗଲାଣି। ଏହି ଷ୍ଟାଡିୟମରେ ସମସ୍ତ ଅତ୍ୟାଧୁନିକ କ୍ରୀଡ଼ା ଭିତ୍ତିଭୂମି ନିର୍ମାଣ କରାଯାଇଛି।‌ କ୍ରିକେଟ, ଫୁଟବଲ୍, ଇଣ୍ଡୋର ଗେମ୍, ସୁଇମିଙ୍ଗ ସମେତ ଆଥଲେଟିକ୍ ଖେଳ ପାଇଁ ସମସ୍ତ ବ୍ୟବସ୍ଥା ହୋଇଛି। ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ପ୍ରାୟ ୭୦ କୋଟି ଟଙ୍କା ଅନୁଦାନରେ ଏହି ନୂତନ ଷ୍ଟାଡିୟମ ନିର୍ମାଣ ହୋଇଛି। 

ଶେଷ ପର୍ଯ୍ୟାୟରେ ପୁରୀ ପେଣ୍ଠକଟା ଠାରେ ଚାଲିଥିବା ନବନିର୍ମିତ ଶ୍ରୀଜଗନ୍ନାଥ ଷ୍ଟାଡିୟମର ନିର୍ମାଣ କାର୍ଯ୍ୟ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୂଆବର୍ଷରେ ଶ୍ରୀକ୍ଷେତ୍ର ବାସୀଙ୍କ ଉଦ୍ଦେଶ୍ୟରେ ଏହି ଷ୍ଟାଡିୟମକୁ ଲୋକାର୍ପଣ କରିବେ। ପେଣ୍ଠକଟାରେ ନିର୍ମାଣ ଚାଲିଥିବା ଏହି ଅତ୍ୟାଧୁନିକ ଶ୍ରୀଜଗନ୍ନାଥ ଷ୍ଟାଡିୟମରେ ସମସ୍ତ ଅତ୍ୟାଧୁନିକ କ୍ରୀଡ଼ା ଭିତ୍ତିଭୂମି ନିର୍ମାଣ କରାଯାଇଛି। କ୍ରିକେଟ ଗ୍ରାଉଣ୍ଡ ସମେତ ଫୁଟବଲ୍, ଇଣ୍ଡୋର ଗେମ୍, ସୁଇମିଙ୍ଗ ସମେତ ଆଥଲେଟିକ୍ ଖେଳ ଏହି ଷ୍ଟାଡିୟମରେ ଆୟୋଜନ ନେଇ ସମସ୍ତ ବ୍ୟବସ୍ଥା ରହିଛି। ଆଗାମୀ ଦିନରେ ଏହି ଷ୍ଟାଡିୟମରେ ପୁରୀରେ ଜାତୀୟ ଓ ରାଜ୍ୟ ସ୍ତରୀୟ ଅନେକ କ୍ରୀଡା କାର୍ଯ୍ୟକ୍ରମ ଆୟୋଜନ ହେବ। କ୍ରୀଡା କ୍ଷେତ୍ରରେ ଶ୍ରୀକ୍ଷେତ୍ରରେ ଏହି ଷ୍ଟାଡିୟମ ଏକ ନୂଆ ପରିଚୟ ସୃଷ୍ଟି କରିବ। ତେବେ ଆସନ୍ତା ନୂଆବର୍ଷରେ ଏହି ଅତ୍ୟାଧୁନିକ ଷ୍ଟାଡିୟମ ମୁଖ୍ୟମନ୍ତ୍ରୀଙ୍କ ଦ୍ବାରା ଲୋକାର୍ପଣ କରାଯିବ ବୋଲି ଅନୌପଚାରିକ ଭାବେ ସୂଚନା ମିଳିଛି। ଏଥିପାଇଁ ପ୍ରଶାସନିକ ସ୍ତରରେ ମଧ୍ୟ ପ୍ରସ୍ତୁତି ପର୍ବ ଆରମ୍ଭ ହୋଇଗଲାଣି। ଶ୍ରୀକ୍ଷେତ୍ରକୁ ବିଶ୍ବ ଐତିହ୍ୟ ନଗରୀ ଭାବେ ଗଢ଼ି ତୋଳିବା ପାଇଁ ମୁଖ୍ୟମନ୍ତ୍ରୀ ପ୍ରୟାସ ଆରମ୍ଭ କରିସାରିଥିବା ବେଳେ ଶ୍ରୀଜଗନ୍ନାଥ ଷ୍ଟାଡିୟମ ଆଗାମୀ ଦିନରେ କ୍ରୀଡାବିତଙ୍କୁ ବେଶ୍ ଫାଇଦା ଦେବ ବୋଲି କ୍ରୀଡ଼ା ସଙ୍ଗଠକ ଓ କ୍ରୀଡ଼ା ପ୍ରେମୀ କହିଛନ୍ତି। 

- ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ପ୍ରାୟ ୭୦ କୋଟି ଟଙ୍କା ବ୍ୟୟ ବରାଦ କରାଯାଇ ଶ୍ରୀଜଗନ୍ନାଥ ଷ୍ଟାଡିୟମର ନିର୍ମାଣ କାର୍ଯ୍ୟ କରାଯାଉଛି। ଉଚ୍ଚ କୋଟିର କ୍ରିକେଟ ଗ୍ରାଉଣ୍ଡ, ପ୍ୟାଭିଲିୟନ୍, ଇଣ୍ଡୋର ହଲ୍, ସୁଇମିଙ୍ଗ ପୁଲ୍, କ୍ରୀଡା ଛାତ୍ରାବାସ, ପାର୍କିଂ ଏବଂ ସୌନ୍ଦର୍ଯ୍ୟ କରଣ କାର୍ଯ୍ୟ କରାଯାଇଛି ଏହି ଷ୍ଟାଡିୟମରେ। ପୂର୍ବରୁ ପୁରୀରେ ଏକ ଷ୍ଟାଡିୟମ ନଥିବାରୁ କ୍ରୀଡ଼ାର ବିକାଶ ହୋଇପାରୁନଥିଲା। ଅନେକ ପ୍ରତିଭାବାନ ଖେଳାଳି ଥିଲେ ମଧ୍ୟ ଉପଯୁକ୍ତ କ୍ରୀଡା ଭିତ୍ତିଭୂମି ନଥିବା, ଉପଯୁକ୍ତ ତାଲିମ ନପାଇ ଅନେକ କ୍ରୀଡାବିତ୍ ନିରାଶ ହେଉଥିଲେ। ତେବେ ରାଜ୍ୟ ସରକାର ଓଡିଶାରେ କ୍ରୀଡ଼ାର ବିକାଶ ପାଇଁ ସର୍ବାଧିକ ଗୁରୁତ୍ବ ଦେଇ ଆସୁଥିବା ବେଳେ ଏହି କ୍ରମରେ ପୁରୀରେ ଶ୍ରୀଜଗନ୍ନାଥ ଷ୍ଟାଡିୟମ ନିର୍ମାଣ କରାଯାଇଛି। ଶ୍ରୀକ୍ଷେତ୍ରକୁ ବିଶ୍ବରେ ଏକ ନମ୍ବର କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁବେଳେ ପ୍ରୟାସ ଜାରି ରଖିଥିବାବେଳେ ଏହାକୁ ସବୁ ମହଲ ରେ ସ୍ଵାଗତ କରାଯାଇଛି 

ବହୁ ପ୍ରତିକ୍ଷିତ ଶ୍ରୀଜଗନ୍ନାଥ ଷ୍ଟାଡିୟମ ଏବେ ବାସ୍ତବ ରୂପ ନେଇଥିବା ବେଳେ କ୍ରୀଡାବିତ୍ ମାନେ ଏହି ନୂତନ ଷ୍ଟାଡିୟମର ଉଦଘାଟନ ନେଇ ବେଶ୍ ଉତ୍ସାହିତ ଅଛନ୍ତି। କ୍ରୀଡ଼ା ଓ କ୍ରୀଡାବିତଙ୍କ ବିକାଶ ପାଇଁ ମୁଖ୍ୟମନ୍ତ୍ରୀଙ୍କ ଏଭଳି ଉଲ୍ଲେଖନୀୟ ପ୍ରୟାସକୁ ସବୁ ମହଲରେ ସ୍ବାଗତ କରାଯିବା ସହ ଉଚ୍ଚ ପ୍ରଶଂସା ମଧ୍ୟ କରାଯାଇଛି।