ଏବେ ଚାଲିଛି କ୍ରିକେଟ ବିଶ୍ୱକପ । ଆଉ ୱାର୍ଲ୍ଡ କପ୍ ରେ ଦେଖିବାକୁ ମିଳୁଛି ଅନେକ ଇଣ୍ଟରେଷ୍ଟିଙ୍ଗ ଷ୍ଟୋରୀ ସହ ଭିଡିଓ । ଯାହା ଏବେ ସୋସିଆଲ ମିଡ଼ିଆରେ ଭାଇରାଲ ହେଉଛି । ତେବେ ଚଳିତ ବିଶ୍ୱକପ୍ ରେ ଦର୍ଶକ ଅପେକ୍ଷା କ୍ରିକେଟ ଲଭ୍ ବାର୍ଡଙ୍କୁ ନେଇ ଅଧିକ ଚର୍ଚ୍ଚା । ଆଉ ଏହି ଦୁଇ ଲଭ୍ ବାର୍ଡ ହେଉଛନ୍ତି ଶୁଭମନ ଗିଲ୍ ଓ ସାରା ତେନ୍ଦୁଲକର।  ଏହି ଦୁଇ କପଲଙ୍କୁ ନେଇ ଏବେ ସାରା ଦେଶରେ ଜୋର ଧରିଛି ଚର୍ଚ୍ଚା ।  

ଗତ ଗୁରୁବାର ଦିନ ମୁମ୍ବାଇର ୱାନଖେଡେ ଷ୍ଟାଡିୟମରେ ମୁହାଁମୁହିଁ ହୋଇଥିଲେ ଭାରତ ଓ ଶ୍ରୀଲଙ୍କା । ଏହି ମ୍ୟାଚରେ ଟିମ୍ ଇଣ୍ଡିଆର ହୋଇଥିଲା ବୃହତ ବିଜୟ । ଏହି ମ୍ୟାଚ ଚାଲିଥିବା ସମୟରେ ଦେଖିବାକୁ ମିଳିଥିଲା ଏକ ରୋଚକ ଦୃଶ୍ୟ । ଖେଳାଯାଇଥିବା ମ୍ୟାଚରେ ଶୁଭମନ ଗିଲ ଶତକରୁ ବଞ୍ଚିତ ହୋଇଥିଲେ । ଗିଲଙ୍କ ଇନିଂସ ୯୨ରନରେ ଶେଷ ହୋଇଥିଲା । ପ୍ରଥମ ଥର ପାଇଁ ଏହା ଘଟିଥିଲା ଯେତେବେଳେ ଗିଲ ୯୦ ରୁ ଅଧିକ ସ୍କୋର କରିବା ପରେ ଶତକରେ ପହଞ୍ଚିପାରି ନ ଥିଲେ । ଷ୍ଟାଡିୟମରେ ଉପସ୍ଥିତ ପ୍ରଶଂସକମାନେ ଗିଲଙ୍କ ଆଉଟକୁ ନେଇ ଅତ୍ୟନ୍ତ ନିରାଶ ହୋଇଥିଲେ । ଏହି ସମୟରେ ସଚିନ ତେନ୍ଦୁଲକରଙ୍କ ଝିଅ ସାରା ତେନ୍ଦୁଲକରଙ୍କ ଆଶ୍ଚର୍ଯ୍ୟଜନକ ପ୍ରତିକ୍ରିୟା ଭାଇରାଲ ହୋଇଥିଲା । ଯାହାକି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଶୁଭମନ ଗିଲଙ୍କ ଆଉଟ ପରେ ସାରା ତେନ୍ଦୁଲକରଙ୍କ ଆଶ୍ଚର୍ଯ୍ୟଜନକ ପ୍ରତିକ୍ରିୟା ଦୃଶ୍ୟମାନ ହେଉଛି । ଇନିଂସର ୩୦ତମ ଓଭରର ଶେଷ ବଲରେ ଦିଲଶାନ ମଦୁଶଙ୍କାଙ୍କ ଦ୍ୱାରା ଗିଲ ଆଉଟ ହେଉଛନ୍ତି । ଗିଲ ତାଙ୍କ ୯୨ ଇନିଂସରେ ୧୧ଚୌକା ଓ ୨ ଛକା ମାରିଥିଲେ । ଏଥିରେ ଆଶ୍ଚର୍ଯ୍ୟ ଜନକ ଭାବେ ଜନତା ମଧ୍ୟ ଗିଲଙ୍କୁ ତାଙ୍କର ଉଜ୍ଜ୍ୱଳ ଇନିଂସ ପାଇଁ ଷ୍ଟାଣ୍ଡିଂ ଓବେଶନ ଦେଇଥିଲେ, ଯେଉଁଥିରେ ସାରା ତେନ୍ଦୁଲକର ଅନ୍ତର୍ଭୁକ୍ତ ହୋଇଥିଲେ । ସାରା ଗିଲଙ୍କୁ ଦେଇଥିବା ଷ୍ଟାଣ୍ଡିଂ ଓବେଶନର ଫଟୋ ମଧ୍ୟ ଭାଇରାଲ ହେବାରେ ଲାଗିଛି । ଏହା ବାଦ ଭାରତର ପ୍ରତି ମ୍ୟାଚରେ ସାରା ଉପସ୍ଥିତ ରୁହନ୍ତି। ଶୁଭମନଙ୍କ ବ୍ୟାଟିଂକୁ ଏନଜୟ କରନ୍ତି । ଆଉ ଶୁଭମନ ବି ସାରାଙ୍କୁ ନିଜ ରିଆକ୍ସନ ଦିଅନ୍ତି।