ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତାକାଲି ଓଡିଶା ର ଝାରସୁଗୁଡା ଠାରେ ସାରା ଭାରତବର୍ଷ ପାଇଁ BSNL 4G ସେବା ଉଦଘାଟନ କରିବାକୁ ଯାଉଛନ୍ତି। BSNL ଦ୍ୱାରା ସ୍ୱଦେଶୀ ଜ୍ଞାନ କୌଶଳରେ ନିର୍ମିତ 4G ମୋବାଇଲ୍ ସେବାର ଶୁଭାରମ୍ଭ ମାନ୍ୟବର ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ଥିଲା । C-DoT କୋର୍, ତେଜସ୍ ନେଟୱାର୍କ ଏବଂ TCS ଦ୍ୱାରା ସ୍ୱଦେଶୀ ଜ୍ଞାନ କୌଶଳରେ ନିର୍ମିତ 4G ସେବା ପ୍ରାୟ ୧ ଲକ୍ଷ ସ୍ଥାନରେ ନିର୍ମିତ ହୋଇଛି ।

BSNL 4G ନେଟୱାର୍କର ଦେଶବ୍ୟାପୀ ଶୁଭାରମ୍ଭ ସମ୍ପୂର୍ଣ୍ଣ “ଆତ୍ମନିର୍ଭର” 4G ପ୍ରଯୁକ୍ତିବିଦ୍ୟା ଦ୍ୱାରା ପରିଚାଳିତ ଏବଂ ଏହି ସଫ୍ଟୱେର୍ 5G କୁ ସହଜରେ ଅପଗ୍ରେଡ କରାଯାଇପାରିବ । ଏହା କେବଳ ଏହାର ପୁରୁଣା ଗ୍ରାହକମାନଙ୍କୁ ନୁହେଁ ବରଂ ଡିଜିଟାଲ୍ ଦୁନିଆ ସହିତ କେବେ ସଂଯୋଗ ହୋଇନଥିବା ଲକ୍ଷାଧିକ ଗ୍ରାହକଙ୍କୁ ସାରା ଦେଶରେ ହାଇ-ସ୍ପିଡ୍ ମୋବାଇଲ୍ ଇଣ୍ଟରନେଟ୍ ସୁବିଧା ପ୍ରଦାନ କରିବ । DBN (ଡିଜିଟାଲ୍ ଭାରତ ନିଧି – ଯାହା ପୂର୍ବରୁ USOF ଥିଲା) ମୋବାଇଲ୍ ପ୍ରୋଜେକ୍ଟରେ BSNL ଦ୍ୱାରା କାର୍ଯ୍ୟକାରୀ ହେଉଥିବା 14,180 DBN ପାଣ୍ଠି ବିଶିଷ୍ଟ 4G ସାଇଟ୍, ଅନ୍ୟ TSP ମାଧ୍ୟମରେ 4,723 ସାଇଟ୍ ଅନ୍ତର୍ଭୁକ୍ତ ଯାହା ଭାରତର 26,707 ଦୂରଦୂରାନ୍ତ ଗ୍ରାମରେ ପ୍ରାୟ 2 ନିୟୁତ ପରିବାରକୁ ମୋବାଇଲ୍ ସେବା କଭରେଜ୍ ପ୍ରଦାନ କରିବ । ଓଡ଼ିଶାରେ, BSNL 2,472 ଟି ଅପହଞ୍ଚ ଦୂରଦୂରାନ୍ତ ଗ୍ରାମକୁ କଭର କରିବା ପାଇଁ 1665 ଟି ଟାୱାର ନିର୍ମାଣ କରିସାରିଛି। ଶକ୍ତ ଆତ୍ମନିର୍ଭରଶୀଳତା ପାଇଁ ସମସ୍ତ ଟାୱାରଗୁଡ଼ିକୁ ସବୁଜ ନବୀକରଣୀୟ ସୌରଶକ୍ତି ପ୍ରଣାଳୀରେ ସଜ୍ଜିତ କରାଯାଉଛି।

ସ୍ୱଦେଶୀ 4G ନେଟୱାର୍କର ଶୁଭାରମ୍ଭ ସହିତ ଭାରତ ଏକ ମାଇଲଖୁଣ୍ଟ ହାସଲ କରିଛି ଯାହା ଏହାକୁ ଘରୋଇ 4G ଟେଲିକମ୍ ଷ୍ଟାକ୍ ଥିବା କେବଳ 5ଟି ରାଷ୍ଟ୍ର ମଧ୍ୟରେ ସ୍ଥାନିତ କରିପାରିଛି। ସ୍ୱଦେଶୀ 4G ନେଟୱାର୍କର ପ୍ରଚଳନ ପ୍ରଧାନମନ୍ତ୍ରୀଙ୍କ ଡିଜିଟାଲ ଇଣ୍ଡିଆ ଦୃଷ୍ଟିକୋଣ ସହିତ ଏକ ପରିବର୍ତ୍ତନକାରୀ ପଦକ୍ଷେପ, ଯାହା ଡିଜିଟାଲ୍ ବିଭାଜନକୁ ଦୂର କରିବ ଏବଂ ଗ୍ରାମୀଣ ସମ୍ପ୍ରଦାୟକୁ ସଶକ୍ତ କରିବା ସହିତ, BSNLର 5G ଅପଗ୍ରେଡ୍ ଏବଂ ଇଣ୍ଟିଗ୍ରେସନ ପାଇଁ ପଥ ପ୍ରଶସ୍ତ କରିବ।